شاركنا بذكرياتك

[كسارة البندق]

شوفي غصبن علي ضحكت يعني لو مو قايله كوكيز جان قلت يا كبه يا خبز عروق :p

بس تدرين حلوه المحاوله ..بس مو حلوه شماتت الاهل

الصراحه حلو الواحد يصور لحظات حلوه بحياته او تجارب يديده يخوضها..شكلي ببدي انتبه على هالنقطه لانه في الغالب تصويري يكون للطبيعه والاشخاص

ننطر القادم

[B-vs-B]

صار لي مدة أشوف هالموضوع
ودايما ودي أشارك بهالموضوع لأنه موضوع مميز، ويعيد لنا ذكرياتنا وأيامنا الحلوة
لكن للأسف ... يمكن الذكريات أغلبها صور أشخاص وجذي
ونادر ما كنت أفكر أني أصور شي يخصني ( ما كنت أستهوي هالمجال)
لكن إن شاء الله أحصل شي وأشارك فيه
حبيت أشارك الحين بتواجدي وبس
شكرا كسارة على الموضوع

[كسارة البندق]

حياك الله اخوي B-vs-B

مثل ماتفضلت اغلب الذكريات تكون صور اشخاص بس لو تفتش في اغراضك اكيد بتلاقي شي له ذكرى عندك

يشرفني تواجدك في متصفحي ونطمع بذكرياتك

قواك الله

[AnGel]

أشوه انج بس شفتيه ولا ذقتيه :p




مم بوريكم اليوم رسمة امس رسمتها

عالساعة 12 بالليل كان بخاطري ارسم ولاا بعد مو بأي ألوان

ألوان خشبية .. مع اني ما احب ارسم أو ألون فيهم ,,

بس كان بخاطري :p

وطلعت معاي هاللوحة الفنية

ياربي فن فن :p لوووووووووووول

[كسارة البندق]

الصراحه الرسمه حلوه امبين عليج فنانه

اممم جربي ترسمين رسوم كركاتيريه شكلج راح اتبدعين فيهم

لا جذي نبي نشوف ابداعاتج بـمدونات الاعضاء

شاكرتلج التفاعل ونطمع بالمزيد

[AnGel]

عيوونج الحلووة ^^"



ممم للاسف اليوم ماقدر انزل لكم شي

[كسارة البندق]

يالله مومشكله بس لاطولين متشوقين نشوف ذكرياتج

..................


بما إن إنمر حاليا بذكرى الغزو العراقي على دولة الكويت الحبيبه ..لقيت لكم من ذكريات مابعد التحرير

نسال الله ان يحفظ الكويت وشعبها من كل مكروه اللهم آمين

[AnGel]

آمين الله يسمع منج ^^"



مم بنزل اليوم صوورة رسمتها قبل أسبوع تقريبا:D

شفت الطريقة بموقع أجنبي وحيل عجبتني ,,

بس طبعا الرسمه مو مضبووطه عدل والشعر كللش :p
والاذوون طبعا كان في كذا طريقه وكذا نوع للأذون
وماعرفت ولا وحدة ارسمها الا هذي لوووووول
وغصب ضبطتها بعد عناء طويل

[كسارة البندق]

الله وناسه شكلها ايونس

لاشكلج ترسمين من زمان مو امس واليوم يبيلج بعد فتره وان شاء الله يصير احسن واحسن

تسلم الايادي على الرسم الحلو

واكيد نطر القادم

[AnGel]

اي والله انا من صغري احب ارسم ,,



مم بوريكم لابتوبي والايقو مرة وحدة لوووول :p

شهر 12 بيصير له سنتين عندي :o,,

فديييييييته عرباوي لووووووول :p

مع ان كان بخاطري الوردي أو الأحمر

بس كانوا مخلصين وقتها وما كان في الا الأخضر والأسود

فقلت لا خيار أمامي :p ماكو غير الأخضر وهم لوونه حلوو بعد ^^"